இந்தியாவின் பொருளாதார வளர்ச்சி உலக வங்கியின் கணிப்பு

வாஷிங்டன்:உலக வங்கி நடப்பு 2021ம் ஆண்டில், இந்தியா, 8.3 சதவீத வளர்ச்சியை காணும் என கணித்து அறிவித்துள்ளது.மேலும் 2022ல், 7.5 சதவீத வளர்ச்சி காணும் என்றும் தெரிவித்துஉள்ளது.

இது குறித்து மேலும் தெரிவித்துள்ளதாவது:தொற்று நோய் துவங்கியதிலிருந்து, எந்த நாட்டில் பாதிப்பு ஏற்பட்டாலும், அது இந்தியாவின் மீட்சியை தடுப்பதாகவே அமைந்துள்ளது.கடந்த, 2020ல் இந்தியாவின் பொருளாதாரம், மைனஸ் 7.3 சதவீதமாக சுருங்கியதாக மதிப்பிடப்பட்டுள்ளது. இதுவே 2019ல், வளர்ச்சி, 4 சதவீதமாக இருந்தது. 2023ல் இந்தியா, 6.5 சதவீத வளர்ச்சியை பெறும் என எதிர்பார்க்கப்படுகிறது.உலக பொருளாதாரத்தை பொறுத்தவரை, கடந்த, 80 ஆண்டுகளில் இல்லாதவாறு பாதிக்கப்பட்ட நிலையில், 2021ல், 5.6 சதவீத வளர்ச்சியை காணும்.

கொள்கை மாற்றம்

இந்தியாவில், சேவைகள் மற்றும் உற்பத்தியில் எதிர்பார்த்ததை விட வலுவான மீட்சி மற்றும் உள்கட்டமைப்பு, கிராமப்புற மேம்பாடு, சுகாதாரத்துக்கான அதிக செலவு உள்ளிட்ட கொள்கை ஆதரவுகளால், பொருளாதார செயல்பாடு பயனடைந்துஉள்ளது. கொரோனா பரவலால் நுகர்வு, முதலீடு, நம்பிக்கை ஆகியவை குறைந்து, வணிகங்கள் பாதிக்கப்பட்டு உள்ளன.இதனால், 2022 – 23ம் நிதியாண்டில் வளர்ச்சி வேகம் குறைந்து, 7.5 சதவீதமாக இருக்கும் என எதிர்பார்க்கப்படுகிறது.

இந்தியாவின் கடந்த பட்ஜெட் அறிக்கை, குறிப்பிடத்தக்க கொள்கை மாற்றத்தை கொண்டுள்ளது.இவ்வாறு அறிவிக்கப்பட்டுள்ளது.