மம்முட்டி ரசிகராக நடிக்கும் சூரி

நகைச்சுவை நடிகர்களில் சம போட்டியாளர்களாக நடித்து வந்தவர்களில், நடிகர் சந்தானம் கதாநாயகனாக மாறிய பின்னர், நடிகர் சூரியின் படங்களின் எண்ணிக்கை அதிகரித்திருக்க வேண்டும்.. ஆனால் மாறாக கடந்த சில வருடங்களாக நடிகர் சூரியின் திரைப்படங்களை அதிகம் வெளியாகவில்லை. வெற்றிமாறன் டைரக்சனில் கதாநாயகனாக நடிக்கும் சூரி, அடுத்ததாக வேலன் என்கிற படத்திலும் முக்கியமான வேடத்தில் நடிக்கிறார்.

நவீன் என்பவர் இந்தப்படத்தை இயக்குகிறார். கோவையில் நடக்கும் கதைக்களத்தில் உருவாகி வரும் இந்தப்படத்தில் நடிகர் மம்முட்டியின் தீவிர ரசிகராக நடிக்கிறார் சூரி. அதற்கேற்றபடி 'மம்மூக்கா தினேஷன்' என்றே சூரியின் கதாபாத்திரத்திற்கு பெயரும் சூட்டப்பட்டுள்ளது. மம்முட்டியை கேரள ரசிகர்கள் மம்மூக்கா என்றே அழைப்பார்கள். சமீபத்தில் வெளியான இந்தப்படத்தின் பர்ஸ்ட்லுக் போஸ்டரில் இந்த தகவலையும் சேர்த்தே வெளியிட்டுள்ளனர்.