விதிமுறை மீறிய வாகனங்களுக்கு அபராதம்... ரூ.28 லட்சம்; மோட்டார் வாகன அதிகாரிகள் நடவடிக்கை

விழுப்புரம்-விழுப்புரம் வட்டார போக்குவரத்து அலுவலகத்திற்குட்பட்ட பகுதிகளில் விதிமுறைகள் மீறிய வாகனங்களுக்கு 28 லட்சத்து 1,490 ரூபாய் அபராதம் விதிக்கப்பட்டது.

விழுப்புரம் வட்டார போக்குவரத்து அலுவலகத்திற்குட்பட்ட விழுப்புரம், விக்கிரவாண்டி, திருக்கோவிலுார் தாலுகா பகுதிகளில், வட்டார போக்குவரத்து அலுவலர் வெங்கடேசன் தலைமையில் மோட்டார் வாகன ஆய்வாளர்கள் கடந்த அக்டோபர் மாதத்தில் தீவிர வாகன தணிக்கை செய்தனர்.அதில், ஓவர் லோடு, அதிக பயணிகளை ஏற்றிச் செல்லுதல், மிகுந்த ஒலி எழுப்பும் காற்றொலிப்பான் (ஹாரன்) பயன்படுத்துதல். காப்பீடு, தகுதி, அனுமதிச் சான்று இல்லாமல் வாகனங்களை ஓட்டுதல் என விதிமுறைகள் மீறிச் சென்ற சரக்கு, ஆட்டோ ரிக்ஷா, ஆம்னி பஸ், மேக்சிகேப் என 207 வாகனங்கள் கண்டறியப்பட்டது.இந்த வாகனங்களுக்கு சோதனை அறிக்கை வழங்கப்பட்டதோடு, 18 லட்சத்து 42 ஆயிரத்து 490 ரூபாய் அபராதம் விதிக்கப்பட்டது.அது மட்டுமின்றி, வெளி மாவட்டங்களில் இருந்து விழுப்புரம் மாவட்டத்திற்குள் உரிய ஆவணங்கள் இன்றியும், விதிமுறை மீறி அதிக பயணிகளை ஏற்றி வந்தது என 100 வாகனங்கள் கண்டறியப்பட்டு, 9 லட்சத்து 59 ஆயிரம் ரூபாய் என மொத்தம் 28 லட்சத்து 1,490 ரூபாய் அபராதம் விதிக்கப்பட்டுள்ளது.கொரோனா தொற்று காலத்தை யொட்டி, வாகனங்களின் ஆவணங்களை புதுப்பிக்கவும், எப்.சி., பர்மிட், ஓட்டுநர் உரிமம் ஆவணங்களின்றி வாகனங்களை ஓட்டிக் கொள்வதற்கும், மத்திய அரசு கடந்த அக்டோபர் 30ம் தேதி வரை காலக்கெடு விதித்திருந்தது.

இந்த காலகெடு முடிந்தும், உரிய ஆவணங்களின்றி ஓட்டிய வாகனங்கள் மீது அதிகாரிகள் தீவிர நடவடிக்கை எடுத்துள்ளனர்.மோட்டார் வாகன விதிமுறைகளை மீறி இயங்கும் வாகனங்கள் தொடர்ந்து கண்காணிக்கப்பட்டு நடவடிக்கை எடுக்கும் பணி தொடரும் என வட்டார போக்குவரத்து அலுவலர் வெங்கடேசன் தெரிவித்துள்ளார்.விரைவில் பள்ளி வாகனங்கள் ஆய்வுவிழுப்புரம் மாவட்டத்தில், கொரோனா தொற்று குறைந்துள்ளதையொட்டி, அரசு மற்றும் தனியார் பள்ளிகள் திறக்கப்பட்டுள்ளது.

இதையொட்டி, கடந்த ஒன்றரை ஆண்டுகளுக்கும் மேலாக, பள்ளி வாகனங்களின் பராமரிப்பு நிலைகளை ஆய்வு செய்யும் முயற்சியில் அதிகாரிகள் இறங்கியுள்ளனர். இந்த வாகனங்கள் எப்.சி., செல்வதற்காக கால அவகாசத்தை ஒதுக்கியுள்ள வட்டார போக்குவரத்து அதிகாரிகள், விரைவில் கலெக்டர் முன்னிலையில் பள்ளி வாகனங்களின் பராமரிப்பு நிலைகளை ஆய்வு செய்யவதற்கான பணிகளில் ஈடுபட்டுள்ளனர்.

சமரசத்துக்கு இடமளிக்காமல்... அதிகாரத்துக்கு அடிபணியாமல்... நேர்மையான முறையில் துணிச்சலான செய்திகளை மக்களிடம் கொண்டு சேர்க்கும் இணையத்தள செய்தி ஊடகங்களுக்கு, விளம்பர வருவாயே உயிர்நாடி. அதுவே, நீங்கள் விரும்பி வா(நே)சிக்கும் தினமலர், இணையதளத்துக்கும்...

ஆகவே அன்பிற்கினிய வாசகர்களே,‘ஆட்பிளாக்கர்’ உபயோகிப்பதை தவிர்த்து, துணிச்சலான ஊடகத்தின் நேர்மைக்கு தோள் கொடுங்கள். உங்கள் பார்வைக்கு இடையூறாக வரக்கூடிய விளம்பரத்தை மட்டும், ’ஸ்கிரீன் ஷாட்’ எடுத்து எங்களுக்கு அனுப்புங்கள். உங்களின் சிரமத்துக்கு தீர்வு காணுகிறோம்.

நன்றி. தினமலர்

இங்கு வெளியாகும் விளம்பரங்கள், வாசகர்களுக்கு பயனளிக்கும் என்பதாலேயே சேர்க்கப்படுகின்றன. Ad blocker போடுவதன் மூலம், பயனுள்ள பல தகவல்களை நீங்கள் தவறவிடவும் வாய்ப்புண்டு. Ad blocker ஐ தவிருங்கள்.

You’ll usually find this icon in the upper right-hand corner of your screen. You may have more than one ad blocker installed.

You may have to select a menu option or click a button.