மோகன்லாலுடன் பிறந்தநாளை கொண்டாடிய உன்னி முகுந்தன்

மலையாள இளம் நடிகர்களில் குறிப்பிடத்தக்கவர் நடிகர் உன்னி முகுந்தன். இவர் தமிழில் தனுஷின் சீடன் மற்றும் அனுஷ்கா ஜோடியாக பாக்மதி ஆகிய படங்களில் நடித்தவர். வருடத்திற்கு நான்கு படங்கள் நடித்தாலும் கூட இன்னும் தனக்கென ஒரு பிரேக் கிடைக்காமல் இருக்கும் உன்னி முகுந்தன் தற்போது மோகன்லாலுடன் இணைந்து 'டுவல்த் மேன்' படத்தில் முக்கிய கதாபாத்திரத்தில் நடித்து வருகிறார்.

இந்தநிலையில் நேற்று தனது 34வது பிறந்தநாளை 'டுவல்த் மேன்' படப்பிடிப்பு தளத்தில் மோகன்லால், இயக்குனர் ஜீத்து ஜோசப் உள்ளிட்ட படக்குழுவினருடன் கேக் வெட்டி கொண்டாடியுள்ளார் உன்னி முகுந்தன். மோகன்லால் குறும்புடன் உன்னி முகுந்தனுக்கு கேக் ஊட்டும் வீடியோ ஒன்று சோஷியல் மீடியாவில் வைரலாகி வருகிறது.