தாஜ்மஹாலில் அஜித்; வைரலாகும் புகைப்படங்கள்

அஜித்குமார் நடித்து வரும் 'வலிமை' படத்தின் படப்பிடிப்பு சமீபத்தில் ரஷ்யாவில் முடிவடைந்தது. படத்தின் டீசர் விரைவில் வெளியாகும் என எதிர்பார்க்கப்படுகிறது. நடிப்பு மட்டுமல்லாமல், பைக் ரேஸ், துப்பாக்கி சுடுதல் என தன் திறமையை தொடர்ந்து வெளிப்படுத்தி வருகிறார் அஜித். இந்த நிலையில் டில்லியில் நடைபெறும் துப்பாக்கி சுடுதல் சாம்பியன்ஷிப் போட்டியில் கலந்து கொள்வதற்காக சமீபத்தில் அஜித் டில்லி சென்றார்.

இந்த போட்டியின் பயிற்சியின் இடையில் கிடைத்த ஓய்வு நேரத்தில் அஜித், தாஜ்மஹாலை சுற்றி பார்க்க சென்றுள்ளார். அவரை அடையாளம் கண்டுகொண்ட ரசிகர்கள் அவருடன் புகைப்படம் எடுக்க சூழ்ந்துக் கொண்டனர். அஜித்துடன் எடுத்துக்கொண்ட புகைப்படங்களை ரசிகர்கள் சமூக வலைதளங்களில் வெளியிட, மிகப்பெரிய அளவில் வைரலானது.