முதல் இன்னிங்சில் பாகிஸ்தான் முன்னிலை

தினகரன்  தினகரன்
முதல் இன்னிங்சில் பாகிஸ்தான் முன்னிலை

கராச்சி: தென் ஆப்ரிக்க அணியுடனான முதல் டெஸ்ட் போட்டியின் முதல் இன்னிங்சில் பாகிஸ்தான் அணி முன்னிலை பெற்றது. தேசிய ஸ்டேடியத்தில் நடைபெற்று வரும் இப்போட்டியில், டாஸ் வென்று பேட் செய்த தென் ஆப்ரிக்கா முதல் இன்னிங்சில் 220 ரன்னுக்கு சுருண்டது. அடுத்து களமிறங்கிய பாகிஸ்தான், முதல் நாள் ஆட்ட முடிவில் 33 ரன்னுக்கு 4 விக்கெட் இழந்து திணறியது. அசார் அலி 5, பவாத் ஆலம் 18 ரன்னுடன் நேற்று 2ம் நாள் ஆட்டத்தை தொடங்கினர். இந்த ஜோடி 5வது விக்கெட்டுக்கு 94 ரன் சேர்த்தது. அசார் அலி 51 ரன், ரிஸ்வான் 33 ரன் எடுத்து வெளியேற, ஆலம் 109 ரன் விளாசி பெவிலியன் திரும்பினார். பாஹீம் அஷ்ரப் 64 ரன் எடுத்து ஆட்டமிழந்தார். பாகிஸ்தான் அணி 2ம் நாள் ஆட்ட முடிவில் 8 விக்கெட் இழப்புக்கு 308 ரன் குவித்துள்ளது. ஹசன் அலி 11, நவுமன் அலி 6 ரன்னுடன் களத்தில் உள்ளனர். கை வசம் 2 விக்கெட் இருக்க, பாக். 88 ரன் முன்னிலை பெற்றுள்ள நிலையில் இன்று 3வது நாள் ஆட்டம் நடக்கிறது.

மூலக்கதை