புதிய படத்திற்கு தயாராகும் அனுஷ்கா

நிசப்தம் படத்தில் மாற்றுத்திறனாளியாக நடித்தார் அனுஷ்கா. அந்த படம் எதிர்பார்த்த வெற்றியை பெறவில்லை. அடுத்து சகுந்தலம் என்ற படத்தின் கதையை கேட்டவர் அதில் நடிக்க மறுத்து விடவே, சமந்தா கமிட்டானார். தற்போது தெலுங்கில் ரா ரா கிருஷ்ணய்யா என்ற படத்தை இயக்கிய பி.மகேஷ் இயக்கும் புதிய படத்தில் நடிக்க ஒப்பந்தமாகியிருக்கிறார் அனுஷ்கா. முன்பு சைஸ் ஜீரோ படத்திற்காக தனது உடல் பருமனை அதிகப்படுத்திய அனுஷ்கா இந்த படத்திற்காக தனது உடல்மொழியை மாற்றி நடிக்கிறாராம்.

வித்தியாசமான கதையில் உருவாகும் இந்த படத்தில் இதற்கு முன்பு பார்த்திராத முற்றிலும் மாறுபட்ட கோணத்தில் அனுஷ்காவை பார்க்கலாம் என்று டைரக்டர் மகேஷ் ஒரு தகவல் வெளியிட்டிருக்கிறார். விரைவில் படப்பிடிப்பு தொடங்கவுள்ள இப்படத்தை யு.வி.கிரியேசன்ஸ் தயாரிக்கிறது.