பாணியை மாற்றும் சிம்பு!

தன் இன்னொரு பெயர், வம்பு என்றாகி விட்டதை மாற்றுவதில், தற்போது தீவிரம் காட்டுகிறார், சிம்பு. அதோடு, 'இனிமேல், 'ரொமான்டிக்' நடிகர் என்ற வட்டத்தை விட்டு வெளியே வந்து, விக்ரம் பாணியில், கதையின் நாயகனாகப் போகிறேன்...' என்கிறார். அதாவது, கதாபாத்திரங்களுக்காக, தன், 'கெட் - அப்'பையே மாற்றி, 'ரிஸ்க்' எடுக்க தயாராகி விட்டார். தற்போது, தன் முன்னாள் காதலி, ஹன்சிகாவுடன் நடித்து வரும், மஹா படத்திற்காக, 20 கிலோ எடை குறைத்து, நடித்து வருகிறார். அதையடுத்து, 'இனிமேல், என்னை ஒரே மாதிரி சிம்புவாக பார்க்க முடியாது. படத்துக்குப் படம், வேற மாதிரி பார்க்கப் போறீங்க...' என்றும், சினிமா நண்பர்களிடம், 'சொடக்' போட்டு வருகிறார்.

— சினிமா பொன்னையா