கடலில் படமாகும் ஜூவாலை

தமிழ் சினிமாவில் வெகு சில படங்களே கடலில் படமாக்கப்பட்டுள்ளன. முதல் முறையாக 75 சதவீதம், இந்திய பெருங்கடலில் படமாக்கப்பட்டுள்ள படம் ஜூவாலை. இந்தியப் பெருங்கடலில் உள்ள சிறு சிறு தீவுகளில் மீதமுள்ள படம் வளர்ந்து வருகிறது. படத்தை மனுஷா தயாரிக்க ரஹ்மான் ஜிப்ரீல் நடித்து, இயக்குகிறார். இவர், இயக்குநர் பாலுமகேந்திரா மற்றும் ஜோதி கிருஷ்ணா ஆகியோரிடம் உதவியாளராகப் பணியாற்றி உள்ளார்.

ஹாலிவுட் கேமராமேன் மைக்முஸ் சாம்ப் ஆழ்கடல் காட்சிகளைப் படம் பிடித்து வருகிறார். படம் பற்றி ரஹ்மான் ஜிப்ரீல் கூறியதாவது : கடலைச் சார்ந்தும், சூழ்நிலைகளை சார்ந்தும் படமாக்க வேண்டி இருப்பதால், பெரிய ஹீரோக்களை வைத்து இயக்குவதில் உள்ள சிரமங்களை உணர்ந்து, நானே நீண்ட முடி, தாடி சகிதம் நடிக்க தயாராகி விட்டேன். நமது உடமை, உரிமை ஏதாவது ஒன்றிற்கு இழப்பு, பாதிப்பு வரும்போது அங்கு பழிவாங்கும் ஜூவாலை பற்றி எரிய வேண்டியது அவசியமாகிறது. ஹீரோ தனது வாழ்விடத்தின் பழிவாங்குதலை ஜூவாலை ஆக்குகிறான். அது கடல் என்ற கதைக்களத்தில் வெளிப்படுகிறது என்கிறார் இயக்குநர் ரஹ்மான்.