எஜமானரின் இருசக்கர வாகனத்தில் ஹெல்மெட் அணிந்து பயணிக்கும் நாய்: சமூக வலைதளங்களில் வைரல்

தினகரன்  தினகரன்
எஜமானரின் இருசக்கர வாகனத்தில் ஹெல்மெட் அணிந்து பயணிக்கும் நாய்: சமூக வலைதளங்களில் வைரல்

டெல்லி: இந்தியாவில் டூவீலரில் போகும் போது ஹெல்மெட் அணியாமல் செல்வது என்பது சாதாரண விஷயமாக இருக்கிறது. டூவிலரில் செல்பவர்களுக்கு ஹெல்மெட் என்பது குறைந்தபட்ச பாதுகாப்பு என்றாலும் இது குறித்து விழிப்புணர்வு  மக்கள் மத்தியில் முழுமையாக ஏற்படவில்லை. தற்போது பெரும்பாலான இடங்களில் டூவீலரில் ஹெல்மெட் அணியாதவர்களுக்கு போலீசார் அபாராதம் விதித்து வருகின்றனர். இச்சட்டத்தை கடுமையாக கடைபிடிக்கும் படி அவர்களுக்கு  உத்தரவு பிறப்பிக்கப்பட்டுள்ளது.இன்று பலர் போலீசாருக்கு பயந்தாவது ஹெல்மெட் அணிந்து பயணம் செய்கின்றனர். ஆனால் அப்பொழுதும் சிலர் ஹெல்மெட் அணியாமல் டூவீலர் பயணம் செய்துதான் வருகின்றனர். சில இடங்களில் ஹெல்மெட் போடாதவர்கள் மீது  போலீசார் நடவடிக்கை என்ற பெயரில் சில அத்துமீறல் செய்யும் சம்பவங்களும் நடந்துதான் வருகிறது. இதற்கிடையே, எஜமானரின் இருசக்கர வாகனத்தில் ஹெல்மெட் அணிந்து பயணிக்கும் நாய் குறித்து டெல்லி போலீஸ் வெளியிட்ட  வீடியோ சமூக வலைதளங்களில் வைரலாகி வருகிறது. டெல்லி போக்குவரத்தின் டுவிட்டர் பக்கத்தில், நல்ல பையன் இந்த நாய், இதுபோல இருக்க வேண்டும் என ஹெல்மெட் அணிந்து பயணிக்கும் நாயின் வீடியோவை பதிவிடப்பட்டுள்ளது. இதனை பல்வேறு தரப்பினர் பகிர்ந்து வருகின்றனர்.  தற்போது, இந்த வீடியோ  சமூக வலைதளங்களில் வைரலாகி வருகிறது.

மூலக்கதை