‛இந்தியன் 2: மலைக்க வைக்கும் சண்டைக் காட்சி பட்ஜெட்

நடிகர் கமல், பிக்பாஸ் நிகழ்ச்சி தொகுத்து வழங்கி வந்ததால், இந்தியன் 2 படத்தின் சூட்டிங் தாமதமானது. கமல், தற்போது பிக்பாஸ் நிகழ்ச்சி முடித்து விட்டு, முழு நேரமும் சூட்டிங்கில் கவனம் செலுத்தத் துவங்கி இருக்கிறார். இந்தியன் 2 படத்துக்காக, அவர் தொடர்ச்சியாக இரு மாதங்களை ஒதுக்கி இருப்பதாகக் கூறப்படுகிறது.

ஏற்கனவே, படத்துக்கான கால் பங்கு படபிடிப்பு பொள்ளாச்சி மற்றும் சென்னையில் முடிவடைந்திருக்கும் நிலையில், அடுத்தகட்ட படப்பிடிப்பு, மத்திய பிரதேச மாநிலம் போபாலில் நடைபெறவுள்ளதாகக் கூறப்படுகிறது. அங்கு, நாற்பது கோடி ரூபாய் செலவில், சண்டைக் காட்சி ஒன்றை படமாக்கத் திட்டமிட்டுள்ளதாகவும் கூறப்படுகிறது. மேலும், இந்த சண்டைக் காட்சியில், ஆயிரத்திற்கும் மேற்பட்ட துணை நடிகர்களை நடிக்க வைக்கவும் முடிவாகி இருக்கிறது.