பிகில் - தமிழ் சினிமாவின் 2வது பெரிய பட்ஜெட் படம்?

ஹிந்தித் திரையுலகத்தில் தான் அதிக பட்ஜெட் படங்களைத் தயாரிக்க ஆரம்பித்தார்கள். அதன்பின் சமீப காலமாக தெலுஙகுத் திரையுலகத்தில் பெரிய பட்ஜெட் படங்கள் உருவாகி வருகின்றன.

தமிழ் சினிமாவில் ஷங்கர் இயக்கத்தில், ரஜினிகாந்த் நடித்த '2.0' படம்தான் இதுவரையில் தயாரிக்கப்பட்ட படங்களில் அதிக பட்ஜெட் படமாக இருந்து வருகிறது. அப்படத்தின் பட்ஜெட் 500 கோடி என்று சொன்னார்கள்.

அதற்கடுத்து தற்போது விஜய் நடிக்கத் தயாராகியுள்ள 'பிகில்' படம் இரண்டாவது பெரிய பட்ஜெட் படம் என்ற பெருமையைப் பெற்றுள்ளது. இப்படத்தின் பட்ஜெட் 180 கோடி என்று தகவல் வெளியாகி உள்ளது.

படத்தின் பட்ஜெட்டே 180 கோடி என்றால், இப்படத்தின் தியேட்டர் வியாபார உரிமை 200 கோடிக்கு விற்கப்பட்டிருந்தால் 250 கோடி வரை வசூலித்தால் மட்டுமே வெற்றிப் படம் என்று சொல்ல முடியும்.

தியேட்டர் உரிமை அல்லாது டிஜிட்டல் உரிமை மட்டும் 45 கோடிக்கு விற்கப்பட்டுள்ளதாகத் தெரிகிறது. படத்தைத் தயாரித்தவர்களுக்கும், வாங்கி வினியோகம் செய்பவர்களுக்கும் தற்போதே லாபம் கிடைத்துவிட்டதாகச் சொல்கிறார்கள். பட வெளியீட்டிற்குப் பின்னர்தான் தியேட்டர்கள் எவ்வளவு லாபத்தை வசூலிப்பார்கள் என்பது தெரிய வரும்.