தமிழகத்தில் 'கல்வி தொலைக்காட்சி'.. முதல்வர் பழனிசாமி தொடங்கி வைத்தார்..!

தமிழகத்தில் பள்ளி மாணவர்களின் கல்வித்திறனை வளர்க்கும் வகையில் ‘கல்வித் தொலைக்காட்சி’ வெளியிடப்பட்டுள்ளது.  சென்னை கோட்டூர்புரத்தில் உள்ள அண்ணா நூற்றாண்டு நூலகக்கட்டிடத்தில் 8வது தளத்தில், இதற்கான படப்பிடிப்பு அரங்கு, ஒளிப்பதிவு, நிகழ்ச்சி தயாரிப்புக் கூடம் செயல்படுகிறது. மொத்தம் 5 கோடி ரூபாய் மதிப்பீட்டில் கல்வித்தொலைக்காட்சிக்கான கட்டமைப்பு உருவாக்கப்பட்டுள்ளது. 

நிகழ்ச்சியில் துணைமுதல்வர் பன்னீர்செல்வம், சபாநாயகர் தனபால், பள்ளிக்கல்வித்துறை அமைச்சர் செங்கோட்டையன், அமைச்சர் ஜெயக்குமார் உள்ளிட்டோர் கலந்து கொண்டனர். அரசு கேபிள் டிவியில் 200ம் நம்பரில் கல்வித்தொலைக்காட்சி இடம்பெற்றுள்ளது. கேபிள் வசதி இல்லாத பள்ளிகளில் யூடியூப் மூலம் கல்வித்தொலைக்காட்சி ஒளிபரப்பப்படும். 

ஆங்கிலம் அறிவோம் என்ற ஸ்போக்கன் இங்கிலீஷ் வகுப்புகள் அனைத்துத் தரப்பு மாணவர்களும் பயன்பெறும் வகையில் வழங்கப்படுகிறது. இது தவிர நீட் உள்ளிட்ட நுழைவுத்தேர்வு, போட்டித்தேர்வுகளுக்கான பயிற்சியும் கல்வி தொலைக்காட்சி மூலம் எடுக்கப்படுகிறது. மொத்தம் 32 நிகழ்ச்சிகள் ஒளிபரப்ப ஏற்பாடு செய்யப்பட்டுள்ளது.