உங்களுடன் இருப்பேன்… முதல்வர் நிவாரண நிதிக்கு மோகன்லால் உதவி

மலையாளிகள் பலர் அயல்நாடுகளில் வசித்து வருகிறார்கள்.

இதனால் வெளிநாடுகளில் இருந்து வந்தவர்களால் கொரோனா வைரஸ் தொற்று அதிகமாக கேரளாவில் தான் பரவ ஆரம்பித்தது.

இந்தியாவில் கேரள மாநிலத்தில் கொரோனா வீரியம் அதிகளவில் காணப்பட்டது.

தற்போது இதனை தடுக்க கேரள முதல்வர் பினராயி விஜயன் பல்வேறு நடவடிக்கைகளை மேற்கொண்டு வருகிறார்.

இந்த நிலையில் மலையாள சூப்பர் ஸ்டார் மோகன்லால், கேரள முதல்வர் நிவாரண நிதிக்கு தனது சார்பில் 50 லட்சம் ரூபாய் வழங்கியுள்ளார்.

இது குறித்து மோகன்லால் கூறியுள்ளதாவது… “முதல்வர் பினராயி விஜயன் மேற்கொண்டு வரும் கொரோனா தடுப்பு நடவடிக்கைகள் சிறப்பாக உள்ளது.

என்னால் ஆன ஒரு சிறிய பங்களிப்பாக, மக்களுக்கு வகையில் உதவும் விதமாக இந்த 50 லட்சம் ரூபாயை ஏற்றுக்கொள்ள வேண்டும்.. தொடரட்டும் உங்கள் பணி.. உங்களுடன் நாங்கள் இருக்கிறோம்”என முதல்வருக்கான கடிதத்தில் கூறியுள்ளார் மோகன்லால்.

இதற்கு முன்பு கேரள திரைப்பட தொழிலாளர்களுக்கு 10 லட்ச ரூபாய் மோகன்லால் வழங்கியிருந்தார் என்பது குறிப்பிடத்தக்கது.

Covid19 crisis Mohanlal donates Rs 50 lakhs to CM Relief Fund