கன்னட படத்திற்காக ரொமான்ஸில் கலக்கும் பிரியா வாரியர்

கடந்த இரண்டு வருடங்கள் வரை மீடியாக்களில் பரபரப்பாக பேசப்பட்டவர் மலையாள நடிகை பிரியா பிரகாஷ் வாரியர். தனது புருவ சிமிட்டல்கள் மூலம் ரசிகர்களிடம் பிரசித்தி பெற்ற இவர் நடிப்பில் கடந்த வருடம் ஒரு அடார் லவ் என்கிற படம் வெளியானது. அந்த படம் பெரிய அளவில் போகாவிட்டாலும் பிரியா வாரியருக்கு ஹிந்தி மற்றும் கன்னடத்தில் வாய்ப்புகள் தேடி வந்தன. அந்த வகையில் இந்தியில் ஸ்ரீதேவி பங்களா என்கிற படத்தில் நடித்து முடித்துவிட்ட பிரியா வாரியர் தற்போது கன்னடத்தில் விஷ்ணுபிரியா என்கிற படத்தில் நடித்து வருகிறார்.

பிரபல மலையாள இயக்குனர் வி.கே.பிரகாஷ் தான் இந்த படத்தை இயக்கி வருகிறார். கன்னடத்தில் பிரபல தயாரிப்பாளரும் நடிகருமான சிரஞ்சீவியின் மகன் ஸ்ரேயா மஞ்சு இந்த படத்தில் ஹீரோவாக நடித்துள்ளார். சமீபத்தில் இந்த படத்தின் புகைப்படங்கள் சோசியல் மீடியாவில் வெளியாகின. காதல் கதை என்பதால் பிரியா வாரியர் ரொமான்ஸில் ஈடுபாடு காட்டி நடித்துள்ளார் என்பது இந்தப் புகைப்படங்களை பார்க்கும் போது நன்றாகவே தெரிகிறது