தெலுங்கு நடிகர் நிதின் திருமணம்: நீண்ட நாள் காதலியை மணக்கிறார்

தமிழில் ஜெயம் ரவி அறிமுகமான ஜெயம் படத்தின் தெலுங்கு பதிப்பில் அறிமுகமானவர் நிதின். 30க்கும் மேற்பட்ட படங்களில் நடித்துள்ளார். சமீபத்தில் இவர் நடித்த ஸ்ரீனிவாசா கல்யாணம் வெற்றி பெற்றது. தற்போது நிதினுக்கு நிஜமாகவே கல்யாணம் நடக்க இருக்கிறது.

தனது நீண்ட நாள் காதலியான ஷாலினியை திருமணம் செய்து கொள்ள இருக்கிறார். ஷாலினி லண்டனில் பிசினஸ் மேனஜ்மெண்ட் படித்தவர். கடந்த 8 வருடங்களாக நிதினும், ஷாலினியும் காதலித்து வந்தனர். இவர்களது திருமண நிச்சயதார்த்தம் நேற்று ஐதராபாத்தில் நடந்தது. இதில் நெருங்கிய உறவினர்கள், நண்பர்கள் கலந்து கொண்டனர். திருமண தேதி முடிவாகவில்லை, என்றாலும் ஜுன் மாதம் நடக்கும் என்று தெரிகிறது.