அவன் இவன் விமர்சனம் : வடிவேலுக்கு சுசீந்திரன் கண்டனம்

இம்சை அரசன் 23ம் புலிகேசி படத்தில் நடிக்க மறுத்த வடிவேலு, தற்போது இயக்குனர் ஷங்கர் குறித்தும், சிம்புதேவன் குறித்தும் ஒரு நேர்காணலில் அவன் இவன் என்று ஒருமையில் பேசியுள்ளார். இதற்கு பல்வேறு தரப்பினரும் கடும் கண்டனத்தை தெரிவித்து வருகிறார்கள். இந்த நிலையில் இயக்குனர் சுசீந்திரன் விடுத்துள்ள அறிக்கையில் கூறியிருப்பதாவது:

23ம் புலிகேசி படத்தின் தயாரிப்பாளர் ஷங்கர், இயக்குனர் சிம்புதேவன் குறித்து பேசிய விதம் மிகவும் கண்டிக்கத்தக்கது. இயக்குனர் சிம்புதேவனின் 23ம் புலிகேசி படத்தின் மூலம் வடிவேலு ஹீரோவானார். அதை வெற்றிப்படமாக தந்தார் சிம்புதேவன். புலிகேசிக்கு பிறகு வடிவேலு ஹீரோவாக நடித்த இந்திரலோகத்தில் நா அழகப்பன், எலி, தெனாலிராமன் படங்கள் அவர் தலையீட்டாலேயே தோல்வி அடைந்தது. இது அனைவருக்கும் தெரியும்.

ஒரு இயக்குனரை அவன் இவன் என்று மரியாதை இல்லாமல் பேசி இருப்பது மிகவும் தவறான அணுகுமுறை. ஒரு இயக்குனர் என்ற முறையில் வடிவேலுவுக்கு எனது கண்டனத்தை தெரிவித்துக் கொள்கிறேன் என சுசீந்திரன் தெரிவித்துள்ளார்.