ஜூலை 14-ம் தேதி வேலையில்லா பட்டதாரி 2 ரிலீஸ்

தனுஷ் இயக்கத்தில் உருவாகியுள்ள பவர் பாண்டி ஏப்ரல் மாதம் வெளியாகி உள்ளது. இப்படத்தின் போஸ்ட் புரடக்ஷன் பணிகள் ஒரு பக்கம் நடைபெற்று வருகிறது. இன்னொரு பக்கம் சவுந்தர்யா ரஜினிகாந்த் இயக்கத்தில் உருவாகி வரும் வேலையில்லா பட்டதாரி 2 படத்தில் படப்பிடிப்பில் பிசியாக இருக்கிறார் தனுஷ்.

தனுஷுக்கு ஜோடியாக, அமலா பால் நடிக்கும் இந்தப்படத்தில் ஹிந்தி நடிகை கஜோல் நெகட்டிவ் கேரக்டரில் நடிக்கிறார். வேலையில்லா பட்டதாரி 2 படத்தை வுண்டர்பார் நிறுவனம் மற்றும் தாணு இருவரும் இணைந்து தயாரித்து வருகிறார்கள். ஷான் ரோல்டன் இசையமைத்து வருகிறார். இப்படத்தின் இறுதிகட்ட படப்பிடிப்பு சென்னையின் புறநகரான செம்மஞ்சேரி என்ற இடத்தில் நடைபெற்று வருகிறது.

வேலையில்லா பட்டதாரி 2014-ஆம் ஆண்டு ஜூலை 18-ம் தேதி வெளியாகி மிகப்பெரிய வெற்றியடைந்தது. அந்த செண்ட்டிமென்ட்டை மனதில் வைத்து வேலையில்லா பட்டதாரி 2 படத்தை இந்த ஆண்டு, ஜூலை 18-ம் தேதி வெளியிடலாமா என பரிசீலித்தனர். ஜூலை 18-ம் தேதி செவ்வாய்கிழமையாக இருப்பதால், பட வெளியீட்டுக்கு உகந்த கிழமையாக இல்லை என்பதால் ஜூலை 14-ம் தேதி வெளியிடலாம் என்று முடிவு செய்திருக்கின்றனர். எனவே தற்போதைய தகவலின்படி, வேலையில்லா பட்டதாரி 2 ஜூலை 14-ம் தேதி ரிலீஸ்.