காமெடி கலந்த வேடத்தில் கே.எஸ்.ரவிக்குமார்!

தினமலர்  தினமலர்
காமெடி கலந்த வேடத்தில் கே.எஸ்.ரவிக்குமார்!

ரஜினியை வைத்து இயக்கிய லிங்கா படம் எதிர்பார்த்த வெற்றியை பெறாததால் கே.எஸ்.ரவிக்குமாரின் இயக்குனர் மார்க்கெட் சரிவை சந்தித்தது. இருப்பினும், கன்னட நடிகர் சுதீப்பை வைத்து முடிஞ்சா இவனை புடி என்ற படத்தை தமிழ், கன்னடத்தில் இயக்கினார். அந்த படமும் எதிர்பார்த்தபடி வெற்றி பெறவில்லை. அதனால் சமீபகாலமாக நடிப்பில் கூடுதல் கவனத்தை திருப்பியிருக்கிறார் கே.எஸ்.ரவிக்குமார்.

அந்த வகையில், சிகரம் தொடு, ஆடாம ஜெயிச்சோமடா, தங்கமகன், ரெமோ, றெக்க போன்ற படங்களில் நடித்தவர், தற்போது தானா சேர்ந்த கூட்டம், பள்ளிப்பருவத்திலேயே ஆகிய படங்களில் நடித்து வருகிறார். இதில் இசையமைப்பாளர் சிற்பியின் மகன் நாயகனாக நடித்து வரும் பள்ளிப்பருவத்திலேயே படத்தில் காமெடி கலந்த ரோலில் நடித்து வருகிறார் கே.எஸ்.ரவிக்குமார். இந்த படத்தின் படப்பிடிப்பு தற்போது பட்டுக்கோட்டையில் ஒருவார காலமாக நடந்து வரும் நிலையில், கஞ்சாகருப்பு, சிங்கம்புலியுடன் இணைந்து ரவிக்குமாரும் சில காமெடி காட்சிகளில் நடித்து வருவதாக சொல்கிறார்கள்

மூலக்கதை