சினிமாவாகிறது எம்.ஜி.ஆர் எழுதிய கதை

தினமலர்  தினமலர்
சினிமாவாகிறது எம்.ஜி.ஆர் எழுதிய கதை

விஜய் நடித்த சந்திரலேகா, உதயமாகிறது, மஞ்சள் நிலா, குங்குமப்பொட்டு, நிலா ஆகிய படங்களை இயக்கியவர் நம்பிராஜன் என்கிற எம்.ஜி.ஆர் நம்பி. தற்போது உங்களில் ஒருவன் என்ற படத்தை இயக்க இருக்கிறார். இதனை எம்.ஜி.ஆர் ஸ்டூடியோ சார்பில் சி.ராஜேஷ், என்.ஸ்ரீதேவி இணைந்து தயாரிக்கிறார்கள். உதயசங்கர் சோவிலோ ராஜா ஒளிப்பதிவு செய்கிறார். ஜிப்ரான் இசை அமைக்கிறார். இது எம்.ஜி.ஆர் எழுதிய கதை என்கிறார் எம்.ஜி.ஆர் நம்பி. அவர் மேலும் கூறியதாவது:

1996ம் ஆண்டு மக்கள் திலகம் எம்.ஜி.ஆர் உங்களில் ஒருவன் என்ற கதையை எழுதினார். அது ஒரு திரைப்படத்திற்கான மூலக் கதை. அதனை திரைக்கதையாக்கி படம் எடுக்கும் முயற்சிகள் அப்போது நடந்தது. பின்னர் அது முடங்கிப்போனது. இப்போது எம்.ஜி.ஆரின் நூற்றாண்டு விழாவையொட்டி அவர் எழுதிய மூலக்கதைக்கு திரைக்கதை, வசனம், எழுதி நான் இயக்குகிறேன். இன்றைய காலகட்டத்துக்கு ஏற்ப திரைக்கதையை மாற்றியுள்ளேன் என்கிறார் எம்.ஜி.ஆர் நம்பி. படத்திற்கான பூஜையும் துவக்க விழாவும் நேற்று முன்தினம் நடந்தது, நடிகர் நடிகைகள் தேர்வு நடந்து வருகிறது.

மூலக்கதை