மொத்த விற்பனை பணவீக்கம் உயர்வு; உணவு பொருட்கள் விலை சரிவு
புதுடில்லி : கடந்த, 2016ல், செப்., – நவ., வரை, மூன்று மாதங்களாக சரிவடைந்து வந்த, மொத்த விற்பனை விலை அடிப்படையிலான பணவீக்கம், டிசம்பரில், 3.39 சதவீதமாக உயர்ந்துள்ளது.
உணவுப் பொருட்கள் விலை குறைந்திருந்த போதிலும், தயாரிப்பு பொருட்களின் விலை உயர்ந்ததால், மொத்த விற்பனை அடிப்படையிலான பணவீக்கம், டிசம்பரில் அதிகரித்துள்ளது; இது, நவம்பரில், 3.15 சதவீதமாக இருந்தது. மதிப்பீட்டு மாதத்தில், உணவுப் பொருட்கள் பணவீக்கம், மைனஸ் 0.70 சதவீதமாக குறைந்துள்ளது; இது, நவம்பரில், 1.54 சதவீதமாக உயர்ந்து இருந்தது.
இதே காலத்தில், தயாரிப்பு பொருட்கள் பணவீக்கம், 3.20 சதவீதத்தில் இருந்து, 3.20 சதவீதமாக அதிகரித்துள்ளது. எரிபொருள், மின்சாரம் ஆகியவற்றின் பணவீக்கம், 7.07 சதவீதத்தில் இருந்து, 8.65 சதவீதமாக உயர்ந்துள்ளது. கடந்த ஆண்டு, அக்டோபருக்கான மொத்த விற்பனை விலை அடிப்படையிலான பணவீக்கம், 3.39 சதவீதத்தில் இருந்து, 3.79 சதவீதமாக மறுமதிப்பீடு செய்யப்பட்டு உள்ளது.