ஐ.டி., துறை பாதிப்பு; அமெரிக்க அரசுடன் பேச்சு நடத்த ‘நாஸ்காம்’ அமைப்பு முடிவு

புதுடில்லி : அமெ­ரிக்க அதி­பர் டொனால்டு டிரம்ப்­பின் கொள்­கை­க­ளால் ஏற்­ப­டக் கூடிய தாக்­கம் குறித்து, அவ­ரி­டம் நேர­டி­யாக விளக்க, ‘நாஸ்­காம்’ எனப்­படும், தேசிய மென்­பொ­ருள் மற்­றும் சேவை நிறு­வ­னங்­கள் கூட்­ட­மைப்பு முடிவு செய்­துள்­ளது.
அமெ­ரிக்க அதி­ப­ருக்­கான தேர்­தல் பிரச்­சா­ரத்­தின்­போது, ‘இந்­தியா, சீனா போன்ற நாடு­க­ளால் பறி­போன உள்­நாட்டு வேலை­வாய்ப்­பு­கள், திரும்­பக் கொண்டு வரப்­படும்; வெளி­நாட்டு பணி­யா­ளர்­க­ளுக்­கான, ‘எச் 1பி’ விசா­வுக்கு கட்­டுப்­பா­டு­கள் விதிக்­கப்­படும்’ என, டொனால்டு டிரம்ப் தெரி­வித்­தி­ருந்­தார்.அவர், அமெ­ரிக்க அதி­ப­ராக நேற்று பொறுப்­பேற்­றதை அடுத்து, தேர்­தல் பிர­சா­ரத்­தில் தெரி­வித்த கொள்­கை­களை அமல்­ப­டுத்­து­வார் என, எதிர்­பார்க்­கப்­ப­டு­கிறது.இத­னால், அமெ­ரிக்க நிறு­வ­னங்­க­ளுக்­கும், அவற்­றுக்கு பணி­களை செய்து தரும், இந்­தி­யா­வின், பி.பி.ஓ., நிறு­வ­னங்­கள், மென்­பொ­ருள் சேவை­களை வழங்­கும், ஐ.டி., நிறு­வ­னங்­கள் ஆகி­யவை பாதிக்­கும் வாய்ப்பு உள்­ளது.
இது குறித்து, ‘நாஸ்­காம்’ தலை­வர் சந்­தி­ர­சே­கர் கூறி­ய­தா­வது: அமெ­ரிக்­கா­வில், இந்­திய, ஐ.டி., நிறு­வ­னங்­கள், 4.11 லட்­சம் வேலை­வாய்ப்­பு­களை உரு­வாக்­கி­யுள்ளன; அவற்­றில், 1.50 லட்­சம் நேரடி வேலை­வாய்ப்­பு­கள் ஆகும். அத்­து­டன், அமெ­ரிக்க அர­சுக்கு வரி செலுத்­து­வது, சமூக பாது­காப்பு திட்­டங்­க­ளுக்கு செல­வி­டு­வது உள்­ளிட்­ட­வற்­றின் மூலம், அமெ­ரிக்க பொரு­ளா­தா­ரத்­திற்­கும், இந்­திய, ஐ.டி., நிறு­வ­னங்­கள் குறிப்­பி­டத்­தக்க பங்­க­ளிப்பை வழங்கி வரு­கின்றன.
இந்­திய, ஐ.டி.,நிறு­வ­னங்­களின் சிறப்­பான பங்­க­ளிப்­பு­க­ளை­யும், அவற்­றின் பல்­வேறு பரி­மா­ணங்­க­ளை­யும், டொனால்டு டிரம்ப் அர­சில் அங்­கம் வகிக்­கும் புதி­ய­வர்­கள் முழு­மை­யாக அறி­யா­மல் இருக்­கக் கூடும்.‘அடுத்த ஆண்டு, ஐ.டி., துறை­யில், 10 லட்­சத்­திற்­கும் அதி­க­மான காலி பணி­யி­டங்­கள், நிரப்­பப்­ப­டா­மல் இருக்­கும்’ என, அமெ­ரிக்க அரசு ஏற்­க­னவே தெரி­வித்­துள்­ளது.அமெ­ரிக்­கா­வில்,‘ஸ்டெம்’ எனப்­படும், அறி­வி­யல், தொழில்­நுட்­பம், பொறி­யி­யல், கணி­தம் ஆகி­யவை சார்ந்த வல்­லு­னர்­க­ளுக்கு பற்­றாக்­குறை உள்­ளது. வெளி­நாட்டு வல்­லு­னர்­கள் மூல­மா­கத்­தான், இந்த பற்­றாக்­குறை சரி­செய்­யப்­ப­டு­கிறது.
இந்­நி­லை­யில், அமெ­ரிக்க அர­சின் விசா கட்­டுப்­பா­டு­கள், அந்­நாட்டு நிறு­வ­னங்­க­ளை­யும் கடு­மை­யாக பாதிக்­கும். அவை, உள்­நாட்டு வல்­லு­னர்­களை அதிக ஊதி­யத்­தில் பணி­ய­மர்த்­து­வ­தால், அவற்­றின் செல­வி­னம் கூடும். இது­போன்ற பல்­வேறு அம்­சங்­கள் குறித்து, டொனால்டு டிரம்பை நேரில் சந்­தித்து, விரி­வாக விளக்க திட்­ட­மி­டப்­பட்­டுள்­ளது. இதற்­காக, நாஸ்­காம் குழு, பிப்­ர­வரி அல்­லது மார்ச்­சில், அமெ­ரிக்க செல்ல முடிவு செய்­துள்­ளது. இவ்­வாறு அவர் கூறி­னார்.