ஆஸி. கிரிக்கெட் வீரர் லென் மடாக்ஸ் காலமானார்

தினமணி  தினமணி
ஆஸி. கிரிக்கெட் வீரர் லென் மடாக்ஸ் காலமானார்

ஆஸ்திரேலியாவைச் சேர்ந்த மூத்த டெஸ்ட் கிரிக்கெட் வீரரான லென் மடாக்ஸ் (90) வெள்ளிக்கிழமை காலமானார்.

விக்கெட் கீப்பர் மற்றும் பேட்ஸ்மேனான மடாக்ஸ் 1954 முதல் 1956 வரையில் 7 டெஸ்ட் போட்டிகளில் விளையாடியுள்ளார். 1977-ஆம் ஆண்டு இங்கிலாந்தில் சுற்றுப்பயணம் செய்து விளையாடிய ஆஸ்திரேலிய அணியின் மேலாளராக இருந்தார்.

இதுதவிர 112 முதல்தர கிரிக்கெட் போட்டிகளில் விளையாடியுள்ள மடாக்ஸ், ஆஸ்திரேலிய அணியின் தேர்வுக்குழு தலைவராகவும், விக்டோரியா கிரிக்கெட் சங்கத்தின் இயக்குநராகவும் இருந்துள்ளார்.

ஆஸ்திரேலிய கிரிக்கெட் வாரியத்தின் தலைமைச் செயல் அதிகாரி ஜேம்ஸ் சுதர்லேன்ட் வெளியிட்டுள்ள இரங்கல் செய்தியில், "லென், தனது வாழ்நாள் முழுவதும் கிரிக்கெட்டுக்காக சிறப்பான பங்களிப்பை செய்துள்ளார். அவர் வீரராக மட்டுமின்றி, தலைசிறந்த நிர்வாகியாகவும் செயல்பட்டவர்.

அவருடைய மரணம் மிகுந்த வருத்தத்தை ஏற்படுத்தியுள்ளது. இப்போது கிரிக்கெட் மிகப்பெரிய வளர்ச்சியடைந்திருப்பதற்கு அவரும் மிகப்பெரிய பங்களிப்பை செய்துள்ளார். அதற்காக அவரை பாராட்டியாக வேண்டும்' என குறிப்பிட்டுள்ளார்.

மூலக்கதை