U-19 உலகக் கோப்பை கிரிக்கெட் தொடக்க லீக் ஆட்டங்களில் வங்கதேசம், இங்கிலாந்து வெற்றி

19 வயதிற்குட்பட்டோருக்கான உலகக் கோப்பை கிரிக்கெட் போட்டியின் தொடக்க லீக் ஆட்டத்தில் இங்கிலாந்து மற்றும் பங்களாதேஷ் அணிகள் வெற்றி பெற்றுள்ளன. 

இந்தியா உள்பட 16 அணிகள் பங்கேற்கும் 11வது ஜூனியர் உலக கோப்பை கிரிக்கெட் போட்டி வங்கதேசத்தில் இன்று தொடங்கியது. இதில் கலந்து கொள்ளும் 16 அணிகள் 4 பிரிவாக பிரிக்கப்பட்டுள்ளன. 

இதில் இன்றைய தொடக்க லீக் ஆட்டத்தில் போட்டியை நடத்தும் நாடான வங்கதேச அணி, தென்னாப்ரிக்க அணியுடன் மோதியது. இதில் 43 ரன்கள் வித்தியாசத்தில் வங்கதேச அணி வெற்றி பெற்று தொடரை வெற்றியுடன் தொடங்கியது. மற்றொரு லீக் ஆட்டத்தில் இங்கிலாந்து அணியும், ஃபிஜி அணியும் மோதியதில் 299 ரன்கள் வித்தியாசத்தில் இங்கிலாந்து அணி அபார வெற்றி பெற்றது. 

இந்த போட்டியில் ராகுல் டிராவிட்டை பயிற்சியாளராகக் கொண்டுள்ள இஷான் கிஷான் தலைமையிலான இந்திய அணி, தனது தொடக்க லீக் ஆட்டத்தில் அயர்லாந்து அணியை நாளை எதிர்கொள்ள உள்ளது. 

பாதுகாப்பு பிரச்சினை காரணமாக ஆஸ்திரேலிய அணி, இந்த உலகக் கோப்பை போட்டியில் இருந்து விலகியது குறிப்பிடத்தக்கது.