சர்வதேச கால்பந்து போட்டிகளுக்கு திண்டுக்கல் வீராங்கனை நடுவராக தேர்வு

பதிவு செய்த நாள் : 3, ஜனவரி 2016 (8:26 IST)

மாற்றம் செய்த நாள் :3, ஜனவரி 2016 (8:26 IST)

சர்வதேச கால்பந்து போட்டிகளுக்கு திண்டுக்கல் வீராங்கனை நடுவராக தேர்வு

இந்த நிலையில் ஆசிய கால்பந்து சம்மேளனம் சார்பில், ரூபாதேவியை சர்வதேச கால்பந்து நடுவராக நியமனம் செய்யலாம் என்று சர்வதேச கால்பந்து சம்மேளனத்துக்கு(பிபா) பரிந்துரை செய்யப்பட்டது. அதற்கான எழுத்து மற்றும் உடல்திறன் தேர்வுகளில் அவர் வெற்றி பெற்றார். இதையடுத்து ரூபாதேவி, சர்வதேச கால்பந்து போட்டிகளின் நடுவராக அதிகாரபூர்வமாக தேர்வு செய்யப்பட்டுள்ளார். இதன் மூலம் தமிழகத்தின் முதல் சர்வதேச கால்பந்து பெண் நடுவர் என்ற பெருமைக்கு சொந்தக்காரர் ஆகி இருக்கிறார். 

ரூபாதேவி கூறும்போது, இது எதிர்பாராத சந்தோஷத்தை ஏற்படுத்தியிருக்கிறது. இந்ததருணத்தில் எனது நலன் விரும்பிகளுக்கும், திண்டுக்கல் மாவட்ட கால்பந்து சங்கத்துக்கும் நன்றி தெரிவித்துக்கொள்கிறேன் என்றார். 

ரூபாதேவியின் தந்தை பெயர் குருசாமி. மில்தொழிலாளி. தாயார் செல்லம்மாள். சில ஆண்டுகளுக்கு முன்பு பெற்றோர் இறந்தநிலையில், தனது அக்காள் விஜயலட்சுமி வீட்டில் ரூபாதேவி வசித்து வருகிறார்.