உலக கோப்பை ரக்பி இறுதிக் கட்டம் : சில சுவாரஷ்யமான தகவல்கள்

4 TAMIL MEDIA  4 TAMIL MEDIA
உலக கோப்பை ரக்பி இறுதிக் கட்டம் : சில சுவாரஷ்யமான தகவல்கள்

Friday, 30 October 2015 14:15

உலக கோப்பை ரக்பி தொடரின் இறுதிக்கட்டம் இது. இன்று மூன்றாம் இடத்துக்கான போட்டி தென் ஆபிரிக்கா - ஆர்ஜெண்டீனா அணிகளுக்கு இடையில் நடைபெறுகிறது. நாளை இறுதிப் போட்டியில் ஆஸ்திரேலியா - நியூசிலாந்து அணிகள் மோதுகின்றன. 1991, 1999 என இரு முறை ரக்பி உலக கோப்பையை ஆஸ்திரேலியா வென்றுள்ளது. 

இந்நிலையில், இந்த வருடத்திற்கான மிகச் சிறந்த ரக்பி வீரரை தெரிவு செய்வதற்கான பரிந்துரைகள் வெளியாகியுள்ளன.

நியூசிலாந்து வீரர்கள், டானியல் கார்டெர், ஜூலியன் சவீயா ஆகியோரும் ஆஸ்திரேலிய வீரர்கள் மிகெல் கூபர், டாவிட் போகொக், ஆகியோரும் ஸ்காட்லாந்து கேப்டன் கிரேன் லாயிட்லாவும், வேல்ஸ் அணியின் அலுன் வ்யின் ஜோன்ஸும் மொத்தமாக 6 பேர் பரிந்துரையில் உள்ளனர்.

இதில் டானியல் கார்டர் ஏற்கனவே இரு தடவை இந்த விருதை பெற்றுள்ளார்.

இதேவேளை இந்த வருடத்திற்கான ரக்பி அணி பரிந்துரையும் வெளியாகியுள்ளது. ஆர்ஜெண்டீனா, ஜப்பான், நியூசிலாந்து, ஆஸ்திரேலியா ஆகிய நான்கு அணிகள் இதில் போட்டியிடுகின்றன. இதில் ஆர்ஜெண்டீனாவும், ஜப்பானும் உலக கோப்பை ஜாம்பவான் அணிகள் பலவற்றுக்கு அதிர்ச்சியளித்து வெற்றிகளை குவித்த அணிகள் என்பன குறிப்பிடத்தக்கன.

மூலக்கதை