ஒரு நாள் விற்பனை மிரட்டும் அலிபாபா

பீஜிங்:சீனாவின், வலைதள சந்தை நிறுவனமான, அலிபாபா, ஆண்டுதோறும், ‘சிங்கிள்ஸ் டே’ என்ற பெயரில், நவ., 11ல், ‘மெகா’ தள்ளுபடி விற்பனையை நடத்தி வருகிறது.இந்தாண்டு, இன்று பிரமாண்டமான விற்பனை நடைபெறுகிறது. இதில், அலிபாபா கையகப்படுத்திய, லசாடா ஆன்லைன் நிறுவனமும் பங்கேற்கிறது.குண்டூசி முதல் அனைத்து பொருட்களும், சலுகை விலையில் விற்பனை செய்யப்பட உள்ளன.உலகளவில், 200 நாடுகளைச் சேர்ந்த, 50 கோடிக்கும் அதிகமானோர், இன்று பொருட்களை வாங்குவர் என, எதிர்பார்ப்பதாக, அலிபாபா நிறுவனம் தெரிவித்துள்ளது.