தீபிகா படுகோனின் மாஜி மேனேஜர் தற்கொலை முயற்சி

தினமலர்  தினமலர்
தீபிகா படுகோனின் மாஜி மேனேஜர் தற்கொலை முயற்சி

கடந்த சில நாட்களாக மீ டூ விவகாரம் விஸ்வரூபம் எடுத்து ஆண்களை குறிப்பாக திரையுலகை சேர்ந்தவர்களை நிலைகுலைய செய்து வருகிறது. இந்தநிலையில் மும்பையை சேர்ந்தவரும் தீபிகா படுகோனின் முன்னாள் மேனேஜருமான அனிர்பன் தாஸ் பிலா என்பவர் மீ டூ விவாகரத்தில் சிக்கி, தற்கொலைக்கு முயன்று போலீசாரால் காப்பற்றப்பட்டுள்ளார்.

க்வான் என்டர்டெய்ன்மென்ட் என்கிற நிறுவனத்தின் இணை நிறுவனரான இவர், தீபிகா படுகோன், ரன்பீர் கபூர் போன்ற பாலிவுட் பிரபலங்களின் மேனேஜராக செயல்பட்டு வருகிறார். மேலும் தீபிகா படுகோன் நடத்தி வரும் லிவ் லவ் லாப்' என்கிற மனநல விழிப்புணர்வு அமைப்பிலும் முக்கிய பொறுப்பு வகித்து வருகிறாராம் இந்த அனிர்பன் தாஸ்.

கடந்த சில நாட்களாக மீ டூ மூலமாக பல பெண்கள் இவர் மீது பாலியல் குற்றச்சாட்டுக்களை கூறி வருகின்றனர். இதனால் க்வான் என்டர்டெய்ன்மென்ட் நிறுவனத்தின் பொறுப்பில் இருந்து விலகும்படி மற்றொரு நிறுவனரால் இவருக்கு அழுத்தம் கொடுக்கப்பட்டதாம். அதன் காரணமாக நவி மும்பையில் உள்ள வாஷி என்னுமிடத்தில் உள்ள ஆற்றுப்பாலத்தில் ஏறி தற்கொலைக்கு முயன்றார் அனிர்பன் தாஸ். கடைசி நேரத்தில் இதை கவனித்த போலீசார் இவரை தடுத்து நிறுத்தி காப்பாற்றியுள்ளனர்.

மூலக்கதை