பெட்ரோல் விலை: பிரதமர் மோடிக்கு காங்., பாராட்டு

புதுடில்லி : 'பெட்ரோல் விலை விரைவில் 100 ரூபாயை தொட உள்ளது; இதற்காக பிரதமர் மோடிக்கு பாராட்டுக்கள்' என காங்., தெரிவித்துள்ளது.

இதுகுறித்து காங்., கட்சியின் செய்திதொடர்பாளர் அபிஷேக் மனு சிங்வி கூறியதாவது: ஐ.மு., கூட்டணிஆட்சியின் போது கச்சா எண்ணெய் பீப்பாய்க்கு 130 டாலர்கள் அளவுக்கு உயர்ந்த போது கூட பெட்ரோல், டீசல் விலை அதிகளவு உயர்த்தப்படவில்லை. ஆனால் தற்போதைய ஆட்சியில் கச்சா எண்ணெய் பீப்பாய்க்கு 68 டாலர்களாக சரிவு கண்டுள்ள போதும், பெட்ரோல் விலை 92 ரூபாய் அளவுக்கு உயர்ந்துள்ளது.

விரைவில் பெட்ரோல் விலை ரூ.100ஐ தொடும்; இதற்காக பிரதமர் மோடிக்கு வாழ்த்துக்கள். டீசல் விலையும் விரைவில் 100 ரூபாயை தொடும். இவ்வாறு அவர் தெரிவித்தார்.