காவி உடை : ஹன்சிகாவுக்கு எதிர்ப்பு

ஹன்சிகா நடித்துள்ள துப்பாக்கி முனை நாளை(டிச.,14) வெளியாகிறது. இதையடுத்து அவரது நடிப்பில் 100, மஹா படங்கள் உருவாகி வருகின்றன. இதில் மஹா படம், ஹன்சிகாவின் 50வது படமாகும். ஜமீல் இயக்குகிறார். சஸ்பென்ஸ் நிறைந்த த்ரில்லர் படமாக மஹா உருவாகிறது.

சமீபத்தில் இப்படத்தின் போஸ்டர் வெளியிடப்பட்டது. அதில், ஹன்சிகா, சாமியார்கள் போன்று உடையணிந்து புகைப்பிடித்தபடி, கம்பீரமாக அமர்ந்திருக்கும் போஸ்டர் வெளியானது. இந்த போஸ்டரின் பின்னணியில் காசியும், சாமியார்களும் இடம் பெற்று இருந்தனர்.

இந்த போஸ்டருக்கு தற்போது எதிர்ப்பு கிளம்பி உள்ளது. காவி உடை அணிந்து புகைப்பிடிக்கும் ஹன்சிகா மீது நடவடிக்கை எடுக்கக் கோரி, ராணிப்பேட்டை ஒருங்கிணைந்த நீதிமன்றத்தில் மனு அளிக்கப்பட்டுள்ளது. இந்த மனு நாளை விசாரணைக்கு வருகிறது.