'மாரி 2' டிரைலர், தனுஷுக்கு புதிய சாதனை

தமிழ் சினிமாவில் ஒரு ஹீரோவுக்கு எந்த அளவிற்கு வரவேற்பு இருக்கிறது என்பதை இந்தக் காலத்தில் சமூக வலைத்தளங்கள், யு-டியுபில் அவர்களது வீடியோக்களுக்கு உள்ள வரவேற்புகள் ஆகியவற்றை வைத்தே கணிக்கப்படுகிறது. இவற்றையும் தாண்டி படம் நன்றாக இருந்தால் மட்டுமே அவர்களது படங்கள் வசூலில் சாதனை படைக்க முடியும்.

இருந்தாலும் யு டியூப் சாதனையை ஹீரோக்களின் ரசிகர்கள் பெரிய சாதனையாகவே கொண்டாடி வருகிறார்கள். அந்த விதத்தில் யு டியூபில் இதுவரையில் ரஜினி, விஜய், அஜித், சூர்யா செய்த சாதனைகளுடன் 'மாரி 2' படத்தின் டிரைலர் மூலம் அவர்களது வரிசையில் தனுஷும் இணைந்துள்ளார்.

தனுஷ் நடித்துள்ள 'மாரி 2' படத்தின் டிரைலர் கடந்த வாரம் வெளியானது. அந்த டிரைலர் தற்போது 1 கோடியே 60 லட்சம் பார்வைகளை நெருங்க உள்ளது. 5 லட்சம் லைக்குகளைக் கடந்துள்ளது. யு டியூபில் இதுவரையில் ரஜினிகாந்த், விஜய், அஜித், சூர்யா ஆகியோரது படங்களின் வீடியோக்கள் மட்டுமே 5 லட்சம் லைக்குகுளைக் கடந்துள்ளது என்பது குறிப்பிடத்தக்கது. அவர்களுக்கு அடுத்து தற்போது தனுஷின் 'மாரி 2' டிரைலர் 5 லட்சம் லைக்குகளைக் கடந்து அவருடைய முந்தைய பட டிரைலர்களின் சாதனைகளை முறியடித்துள்ளது.