அக்ஷய் கண்ணாவுக்கு ஜோடியாகிறார் ரிச்சா சதா

நடிகர் அக்ஷய் கண்ணாவுக்கு ஜோடியாக நடிகை ரிச்சா சதா, "செக்ஷன் 375" என்ற படத்தில் நடிக்க உள்ளாராம். நாட்டில் பாலியல் பலாத்கார சட்டம் எவ்வாறெல்லாம் தவறாக பயன்படுத்தப்படுகிறது என்பதை சஸ்பென்ஸ் கலந்து சொல்வது தான் படத்தின் கதை.

மணிஷ் குப்தா இயக்கும் இப்படத்தை, குமார் மங்கத் பதக் மற்றும் அபிஷேக் பதக் ஆகியோர் தயாரிக்கிறார்கள். வழக்கத்திற்கு மாறான பாலியல் பலாத்கார சம்பவத்தை மையப்படுத்தியே திரைக்கதை அமைக்கப்பட்டுள்ளது. இச்சம்பவம் பலாத்காரமா அல்லது கள்ளக் காதல் விவகாரமா என முடிவுக்கு வரமுடியாமல் நீதிபதிகளை குழப்பும் வகையிலான வழக்கை பற்றியதாக இப்படம் அமைக்கப்பட்டுள்ளது.

இப்படத்தில் அக்ஷய் கண்ணா வழக்கறிஞர் வேடத்திலும், ரிச்சா சதா அரசு தரப்பு வழக்கறிஞர் வேடத்திலும் நடிக்கிறார்களாம்.