எப்போதோ அரசியலுக்கு வந்துவிட்டேன் : விஷால்

துப்பறிவாளன் படத்தை தொடர்ந்து விஷால் நடிப்பில் வெளியாக உள்ள படம் இரும்புத்திரை. விஷால் உடன் சமந்தா, அர்ஜூன் ஆகியோர் முதன்மை ரோலில் நடித்துள்ளனர். மித்ரன் இயக்க, விஷாலே தயாரித்துள்ளார். இப்படத்தின் இசை வெளியீட்டு விழா சென்னையில் நடந்தது.

இதில் பேசிய விஷால், "என்னை பொறுத்தமட்டில் அரசியல் என்பது சமூக சேவை, அந்தவகையில் நான் எப்போதோ அரசியலுக்கு வந்துவிட்டேன். அரசியல்வாதி என்பவர் மக்களுடன் இருக்க வேண்டும், நான் அப்படி இருக்கவே ஆசைப்படுகிறேன். மக்களின் தேவைகளை பூர்த்திசெய்யும் ஒவ்வொருவரும் அரசியல்வாதிகள் தான். நானும் அரசியல்வாதிதான்.

இவ்வாறு விஷால் பேசினார்.