இந்தியாவில் மசராட்டி குவாட்ரபோர்ட்டே ஜி.டி.எஸ்.,
லகில், சொகுசு கார் ரசிகர்கள் மத்தியில், இத்தாலியைச் சேர்ந்த, மசராட்டி நிறுவனத்திற்கு, தனி இடம் எப்போதும் உண்டு. சொகுசு, இட வசதி, அதிவேகம் ஆகிய மூன்றும், ஒருங்கே அமைந்த காரை விரும்புவோர், மசராட்டியை தவறவிடுவதில்லை. இந்நிறுவனம் தற்போது, இந்தியாவில் குவாட்ரபோர்ட்டோ ஜி.டி.எஸ்.,’ சொகுசு, செடான் ரக காரை அறிமுகப்படுத்தி உள்ளது. இதில், ‘கிரான்லுஸ்ஸோ, கிரான்ஸ்போர்ட்’ ஆகிய ரகங்கள் உள்ளன.கிரான்லுஸ்ஸோவில், முன்புற ஸ்பாய்லர்; கிரோம் பினிஷ் பம்பர்; காரின் நிறத்தில் அமைந்த, சைடு ஸ்கர்ட்ஸ்; ‘கிரான்லுஸ்ஸோ’ என்ற ஆங்கில எழுத்துக்கள் மற்றும், 20 அங்குல, ‘அலாய் வீல்ஸ்’ உள்ளிட்ட அம்சங்கள் இடம் பெற்றுள்ளன. கிரான்ஸ்போர்ட்டில், ‘ஸ்போட்ஸ்’ அம்சங்கள் சற்று துாக்கலாக உள்ளன.இந்த கார்களில், 8.4 அங்குல அகல, ஆண்ட்ராய்டு மற்றும் ஆப்பிள் கார்பிளே தொடுதிரை இன்போடெயின்மென்ட்; 10 ஸ்பீக்கர்; 900 வாட்; கார்டன் ஆடியோ சிஸ்டம் பொருத்தப்பட்டு உள்ளது. தேவைப்பட்டால், 15 ஸ்பீக்கர், 1,280 வாட், பொவர்ஸ் மற்றும் வில்கின்ஸ் சர்ரவுண்டு சிஸ்டம், ஆப்ஷனும் உண்டு. இதில், வழக்கம் போல், 530 எச்.பி., திறனுடைய, 3.8 லி., டுவின் டர்போ வி8 இன்ஜின்; எரிபொருள் சேமிப்புக்கு உதவும், 8 ஸ்பீடு ஆட்டோமேட்டிக் கியர் ஆகியவை இடம் பெற்றுள்ளன.இவற்றின் விலை, அதிகாரபூர்வமாக அறிவிக்கப்படவில்லை. உத்தேசமாக, டில்லி ஷோரூமில், 2.7 கோடி ரூபாயில் இருந்து துவங்கக் கூடும்.