தெலுங்கு படத்தில் நடிப்பேன் : சிபிராஜ்

தினமலர்  தினமலர்
தெலுங்கு படத்தில் நடிப்பேன் : சிபிராஜ்

தெலுங்கில் வெளிவந்த கஷணம் என்ற படம் தமிழில் சத்யா என்ற பெயரில் ரீமேக் ஆகி கடந்த வாரம் வெளிவந்தது. இதனை சிபிராஜ் தயாரித்து நடித்தார். அவருடன் வரலட்சமி, ரம்யா நம்பீசன் உள்பட பலர் நடித்திருந்தனர். பிரதீப் கிருஷ்ணமூர்த்தி இயக்கி இருந்தார். இந்த படம் தொடர்பான சக்சஸ் மீட் நிகழ்ச்சி நேற்று நடந்தது. இதில் படக்குழுவினருடன் கஷணம் படத்தின் இயக்குனர் மற்றும் ஹீரோ அதிவிசேஷ் கலந்து கொண்டார். நிகழ்ச்சியில் சிபிராஜ் பேசியதாவது:

சத்யா திரைப்படத்தில் அனைவரும் என்னுடைய நடிப்பை பற்றியும், படத்தை பற்றியும் என்ன சொல்வார்கள் என்று பயத்தோடு இருந்தேன். அனைவரும் பாசிடிவாக கூறியது எனக்கு மகிழ்ச்சியாக இருந்தது. என்னுடைய நடிப்பை கேலி செய்து படத்தில் ஒரு வசனம் வரும். ஆனால் படத்தை ரசிகர்கள் அனைவரும் பார்த்து முடிக்கும் போது அனைவரும் என்னுடைய நடிப்பை பாராட்டினார்கள். ஒவ்வொரு விமர்சனமும் என்னை ஊக்குவிக்கும் வகையில் இருந்தது.

தெலுங்கில் கஷணம் படத்தில் எழுதி நடித்த ஆத்விஷேஷ் இங்கு வந்துள்ளார். வருங்காலத்தில் அவர் தெலுங்கில் நடிக்கும் படத்தை தமிழில் நான் ரீமேக் செய்யும் ஆவலில் இருக்கிறேன். அதே போல் நான் தமிழில் நடிக்கும் படத்தை அவர் தெலுங்கில் ரீமேக் செய்வேன் என்று கூறியுள்ளார். ஆத்விசேஷும் நானும் தமிழ் மற்றும் தெலுங்கில் ஒரு படத்தில் இணைந்து நடிக்கவுள்ளோம். எனக்கும் தெலுங்கில் நடிக்க வேண்டும் என்ற ஆசை உள்ளது என்றார் சிபிராஜ்.

மூலக்கதை