கலே - கனரக வாகனத்தில் ஏற முற்பட்ட அறுபது அகதிகள்!!

நேற்று செவ்வாய்க்கிழமை அறுபது அகதிகள் வரை நெடுஞ்சாலையில் சென்றுகொண்டிருந்த கனரக வாகனங்கள் மீது ஏற முற்பட்டுள்ளனர். 

 

காவல்துறையினர் தெரிவித்த தகவல்களின் படி, பா-து-கலே சுற்றுவட்ட வீதியில், பிரித்தானியா நோக்கி செல்லும் வீதியின் குறுக்கே பார பொருட்களை வீசி வாகனங்களை தடுத்து நிறுத்தியுள்ளனர். அறுபது அகதிகள் வரை வீதிகளை மறித்ததாகவும், கனரக வாகனங்களில் ஏற முற்பட்டதாகவும் தெரிவிக்கப்பட்டுள்ளது. நேற்று செவ்வாய்க்கிழமை மாலை 4 மணிக்கு இந்த சம்பவம் இடம்பெற்றுள்ளது. சம்பவ இடத்தில் குவிந்த காவல்துறையினர் கண்ணீர் புகை வீசி அகதிகளை கலைத்தனர். 

 

பா-து-கலேயில் இருந்து, அகதிகள் பிரித்தானியாவின் டோவர் பகுதிக்கு செல்ல முற்பட்டதாக காவல்துறையினர் தெரிவித்தனர்.