மீண்டும் பிரபாஸ் அனுஷ்கா காதல் ......

PARIS TAMIL  PARIS TAMIL
மீண்டும் பிரபாஸ் அனுஷ்கா காதல் ......

 பாகுபலி' படத்தின் இரண்டு பாகங்களிலும் சேர்ந்து நடித்து வெற்றிகரமான திரைஜோடிகளாக வலம் வந்த பிரபாஸ், அனுஷ்கா பற்றிய காதல் வதந்தி மீண்டும் வரத் தொடங்கி உள்ளது. பிரபாஸ், தற்போது 'சாஹோ' படத்தின் படப்பிடிப்பில் பிசியாக நடித்துக் கொண்டிருக்கிறார். அனுஷ்கா, தற்போது எந்தப் படத்திலும் நடிக்க ஒப்பந்தம் ஆகவில்லை. அவர் கடைசியாக நடித்து வெளிவந்த 'பாகமதி' படமும் வசூலில் சாதனை புரிந்தது.

 
அனுஷ்கா புதிய படங்களில் நடிக்க ஒப்பந்தம் ஆகாத காரணத்தால் அவர் விரைவில் திருமணம் செய்து கொள்ள உள்ளார் என்று வதந்தி அடிக்கடி பரவி வருகிறது. சில மாதங்களுக்கு முன்பு அவர் வட இந்தியாவில் உள்ள சில புனிதத் தலங்களுக்கும் சென்று வந்தார். திருமணம் விரைவில் நடைபெற வேண்டி அவர், அங்கு சென்றார் என்றும் சிலர் பேச ஆரம்பித்தார்கள்.
 
ஆனால், பிரபாஸ் தரப்பில் காதல் வதந்தியை மறுக்கிறார்கள். மற்ற திரையுலக நட்சத்திரங்களுடன் பிரபாஸ் எப்படி பழகி வருகிறாரா அது போலத்தான் அனுஷ்காவுடனும் பழகி வருகிறார். அவர்கள் இருவரும் நண்பர்கள், அவ்வளவுதான் என்று பதிலளிக்கிறார்கள்.
 
பிரபாஸுக்கு சமீபத்தில் ஒரு பெண்ணைப் பார்த்து வந்ததாகவும், அந்த இடம் கூடி வந்தால் அவருடன் திருமணம் என்றும் தெரிவிக்கிறார்கள். பல காதல் திருமணங்கள் வதந்தியில் ஆரம்பித்து நிஜமாகவே மாறியுள்ளது. இந்தக் காதல் வதந்தி எப்படி முடியப் போகிறதோ....?.

மூலக்கதை