தமிழில் டப் ஆகிறது தெலுங்கு நிமிர்ந்து நில்

சமுத்திரகனி இயக்கிய தமிழ் படம் நிமிர்ந்து நில். இது ஜண்டா பாய் கப்பி ராஜு என்ற பெயரில் தெலுங்கிலும் தயாரானது. தமிழில் ஜெயம்ரவி நடித்த கேரக்டரில் தெலுங்கில் நானி நடித்தார். மற்ற கேரக்டர்கள் அப்படியே நடித்தார்கள். சரத்குமார், அமலா பால், ராகினி திரிவேதி, நாசர், சுப்பு பஞ்சு, பார்வதி நாயர் உள்பட பலர் நடித்திருந்தார்கள்.

இப்போது இந்தப் படத்தை தமிழில், வேலன் எட்டுத்திக்கும் என்ற பெயரில் டப் செய்து வெளியிடுகிறார்கள். நாகன் பிக்சர்ஸ் சார்பில் கே.நாகன் வெளியிடுகிறார். படத்திற்கு ஜி.வி.பிரகாஷ் இசை அமைத்திருந்தார். எம்.சுகுமார் ஒளிப்பதிவு செய்திருந்தார்.

தமிழில் ஜெயம்ரவி இரண்டு வேடங்களில் நடித்திருந்ததைப்போல தெலுங்கில் நானி இரண்டு வேடங்களில் நடித்திருந்தார். இரண்டு படத்திலும் சரத்குமார் போலீஸ் அதிகாரியாக நடித்திருந்தார்.