முதல் முறையாக இலங்கை ரூபாவின் பெறுமதிக்கு ஏற்பட்டுள்ள நிலை!

அமெரிக்க டொலருக்கு எதிராக இலங்கை ரூபாயின் பெறுமதி பாரிய வீழ்ச்சியை பதிவு செய்துள்ளதாக இலங்கை மத்திய வங்கி தினம் வெளியிட்டுள்ள நாணயமாற்று அறிக்கையில் குறிப்பிடப்பட்டுள்ளது.

 

அதற்கமைய நேற்றைய தினம் டொலர் ஒன்றின் விற்பனை விலை 158.12 ரூபாவாக பதிவாகியுள்ளது.

 

மேலும் டொலர் ஒன்றின் கொள்வனவு விலை 154.34 ரூபாவாக பதிவாகியுள்ளதென இலங்கை மத்திய வங்கி தெரிவித்துள்ளது.

 

2018ஆம் ஆண்டு ஜனவரி மாதம் முதல் ஏப்ரல் மாதம் 5ஆம் திகதி வரையான காலப்பகுதியில் மாத்திரம் ரூபாவின் பெறுமதி 2 வீதத்தில் வீழ்ச்சியடைந்துள்ளது.

 

அதே காலப்பகுதியில் யூரோவின் பெறுமதி 4.8 வீதத்திலும், ஸ்ரேலிங் பவுண்டின் பெறுமதி 4.8 வீதத்திலும், ஜப்பான் யென் ஒன்றின் பெறுமதி 7.1 வீதத்திலும் வீழ்ச்சியடைந்துள்ளதாக மத்திய வங்கி வெளியிட்டுள்ள அறிக்கையில் குறிப்பிடப்பட்டுள்ளது.