தூத்துக்குடி அனல்மின் நிலைய 5வது யூனிட் பழுது

தூத்துக்குடி: தூத்துக்குடி அனல் மின் நிலையம் கடந்த 1979ம் ஆண்டு துவக்கப்பட்டது. தலா 210 மெகா வாட் மின் உற்பத்தி திறன் கொண்ட 5 மின் உற்பத்தி யூனிட்கள் இங்கு இயங்கி வருகின்றன. இவற்றின் மூலம் மொத்தம் 1050 மெகாவாட் மின் உற்பத்தி செய்ய முடியும். இங்குள்ள 5 யூனிட்டுகளுமே மிகவும் பழமையானவை என்பதாலும், நிர்ணயிக்கப்பட்ட ஆயுள்காலத்தை தாண்டி இயங்கி வருவதாலும் அடிக்கடி பழுது ஏற்பட்டு வருகிறது. நேற்று காலை இங்குள்ள 5வது மின் உற்பத்தி யூனிட்டின் பாய்லரில் பழுது ஏற்பட்டது. இதன் காரணமாக 210 மெகாவாட் மின் உற்பத்தி குறைந்துள்ளது.