வீடு தேடி வரும் மை டி.வி.ஸ்.,
பல்வேறு நிறுவன கார்களின் பராமரிப்பு பணியை, ஒரே குடையின் கீழ் மேற்கொள்ளும், மை டி.வி.எஸ்., நிறுவனம், புதிய சேவையை அறிமுகம் செய்ய உள்ளது. அந்நிறுவனம், ‘கார் டாக்’ எனும், அதன் சொந்த தொழில்நுட்பத்தை பயன்படுத்தி, 8,400 வித குறைபாடுகளை, உடனுக்குடன் கண்டறிய, தொழில்நுட்பத்தை கண்டுபிடித்து உள்ளது. மேலும், காரில் அடிக்கடி ஏற்படக்கூடிய, 500 வகை பழுதுகள், வாடிக்கையாளர் வீட்டுக்கே சென்று, சரி செய்து தரப்படும்.பழுது நீக்கும் போது, முக்கிய உதிரிபாகம் தேவைப்பட்டால், ஒரு மணி நேரத்தில் அதை வரவழைப்பர். அதனால், பெரிய பழுதுகள் கூட, 90 – 120 நிமிடங்களுக்குள் நீக்கப்படும். சென்னையில், 20 வேன்களுடன், இத்திட்டம் டிசம்பரில் துவங்கப்பட்டு, பின், மற்ற முக்கிய நகரங்களுக்கு விரிவுபடுத்தப்படும்.