நயன்தாராவுடன் பிறந்தநாள் கொண்டாடிய விக்னேஷ் சிவன்

தமிழ் சினிமாவில் நம்பர்-1 நடிகையாக வலம் வருபவர் நடிகை நயன்தாரா. கைவசம் நிறைய படங்களை வைத்து கொண்டு பிஸி நடிகையாக வலம் வருகிறார். தமிழ் மட்டுமல்லாது மலையாளம், தெலுங்கிலும் பிஸியாக இருக்கிறார். நயன்தாரா ஏற்கனவே இருமுறை காதலில் தோல்வி அடைந்தவர்.

இப்போது இயக்குநர் விக்னேஷ் சிவனை காதலித்து வருகிறார் என்று கூறப்படுகிறது. அதை நிரூபிக்கும் வகையிலேயே இருவரும் ஒரே வீட்டில் தங்கியிருப்பதாக கோலிவுட்டில் பரவலாக பேசப்படுகிறது. அதுமட்டுமல்ல இருவருக்கும் நெருக்கமாக இருக்கும் புகைப்படங்களும் அவ்வப்போது வெளியாகின்றன.

இந்நிலையில் விக்னேஷ் சிவனுக்கு இன்று(செப்., 18) பிறந்தநாள். இதையொட்டி அமெரிக்காவிற்கு சுற்றுலா சென்றிருக்கிறார் விக்னேஷ் சிவன். கூடவே தனது காதலி நயன்தாராவையும் அழைத்து சென்றுள்ளார். நியூயார்க்கில் இருவரும் பிறந்தநாளை கொண்டியுள்ளனர்.

விக்னேஷ் சிவன் தற்போது, சூர்யாவை வைத்து தானா சேர்ந்த கூட்டம் என்ற படத்தை இயக்கி வருகிறார். இப்படம் பொங்கலுக்கு ரிலீஸாக உள்ளது.