மலேசியாவுக்குப் பறந்த 'வேலைக்காரன்'

மோகன்ராஜா இயக்கத்தில் சிவகார்த்திகேயன், நயன்தாரா மற்றும் பலர் நடிக்கும் 'வேலைக்காரன்' படத்தின் படப்பிடிப்பு சுமார் இரண்டு மாதங்கள் வரை சென்னையில் உள்ள பிரசாத் லேப்பில் போடப்பட்ட குடிசைப் பகுதி செட்டில் நடந்தது. அதன் பின் நயன்தாராவிற்கு திடீரென ஏற்பட்ட உடல் நலக்குறைவால் படப்பிடிப்பு தடைபட்டது.

இப்போது அடுத்த கட்டப் படப்பிடிப்பிற்காக படக் குழுவினல் மலேசியாவிற்குச் சென்றுள்ளனர். அங்கு சுமார் 23 நாட்கள் படப்பிடிப்பு நடக்கும் என அறிவிக்கப்பட்டுள்ளது. இதற்காக 6 மாத காலமாக முன்பணி வேலைகளைச் செய்ததாகவும் சுமார் 75 பேர் மலேசியாவுக்குச் செல்வதாகவும் தயாரிப்புத் தரப்பில் அறிவித்துள்ளனர். வெளிநாடு செல்வதைப் பற்றிக் கூட ஒரு அறிவிப்பை வெளியிட்டு ஆச்சரியப்படுத்தியுள்ளார்கள்.

'ரெமோ' படத்தைத் தொடர்ந்து 24 ஏஎம் ஸ்டுடியோஸ் தயாரிக்கும் இப்படத்தில் பிரகாஷ்ராஜ், பகத் பாசில், சினேகா உள்ளிட்டவவர்களும் முக்கியக் கதாபாத்திரங்களில் நடிக்கிறார்கள்.