நவீன ஹைபிரிட் கேமரா பானாசோனிக் நிறுவனம் அறிமுகம்
புதுடில்லி : ஜப்பானைச் சேர்ந்த, பானாசோனிக் நிறுவனம், மின்னணு சாதனங்கள் வணிகத்தில் ஈடுபட்டு வருகிறது. இந்நிறுவனம், புதிய, ‘லுமிக்ஸ் ஜி.எச்., 5’ என்ற அதிநவீன ஹைபிரிட் கேமராவை, இந்தியாவில் அறிமுகப்படுத்தி உள்ளது.
இது குறித்து, இந்நிறுவனத்தின் டிஜிட்டல் இமேஜிங் தயாரிப்பு பிரிவின் தலைவர் கவுரவ் காவ்ரி கூறியதாவது: நவீன தொழில்நுட்ப அம்சங்களுடன், ‘லுமிக்ஸ் ஜி.எச்., 5’ கேமராவை அறிமுகப்படுத்தி உள்ளோம். இதன் விலை, 1.43 லட்சம் ரூபாய். இது, 12 – 60 மி.மீ., லென்ஸ் உடன், 1.88 லட்சம் ரூபாய்க்கு கிடைக்கும். இது, மற்ற நிறுவனங்களுக்கு கடும் போட்டியாக அமையும் என, எதிர்பார்க்கிறோம்.நிறுவனம், தற்போது, உயர்தர கேமரா லென்ஸ் பிரிவில், 3 சதவீத சந்தை பங்களிப்பை கொண்டுள்ளது. இதை, 2017 – 18ம் நிதியாண்டில், 10 சதவீதமாக உயர்த்த திட்டமிட்டு உள்ளோம். கடந்த இரு ஆண்டுகளில், 5,000 கேமரா லென்சுகளை விற்பனை செய்துள்ளோம்.இவ்வாறு அவர் கூறினார்.
ஜப்பானைச் சேர்ந்த, நிகான் மற்றும் கேனான் நிறுவனங்கள், கேமரா லென்ஸ் பிரிவில், 90 சதவீத சந்தை பங்களிப்பை கொண்டுள்ளன என்பது குறிப்பிடத்தக்கது.