பாலகிருஷ்ணாவிற்கு ஜோடியாகும் புதுமுக நடிகை

இயக்குனர் பூரி ஜெகன்நாத் இயக்கத்தில் முதன்முறையாக பாலகிருஷ்ணா நடிக்கவிருக்கும் திரைப்படம் டான் கதையை மையமாகக் கொண்ட அதிரடி ஆக்ஷன் திரைப்படம் என கூறப்படுகின்றது. மேலும் பாலகிருஷ்ணா - பூரி ஜெகன்நாத் கூட்டணியில் உருவாகவிருக்கும் திரைப்படம் ஹாலிவுட் திரைப்படமான ஜான்விக் படத்தின் ரீமேக் என்றும் சிரஞ்சீவி நடிப்பில் பூரி ஜெகன்நாத் இயக்குவதாக இருந்து பின்னர் கைவிடப்பட்ட ஆட்டோ ஜானி திரைப்படம் என்றும் கூறப்பட்டது.

ஆனால் இவற்றை இயக்குனர் மறுத்துள்ளார். பூரி ஜெகன்நாத் இயக்கத்தில் திரைக்கு வரவிருக்கும் ரோக் படத்தின் புரமோஷன் நிகழ்ச்சியில் கலந்து கொண்ட அவர் பாலகிருஷ்ணாவின் 101வது படத்தை தான் இயக்குவது பெருமையாக இருப்பதாகவும் இப்படம் ரீமேக் படமோ அல்லது ஏற்கனவே கைவிடப்பட்ட திரைப்படத்தின் திரைக்கதையைக் கொண்டதோ அல்ல என்று கூறினார். மேலும் இப்படத்தில் பாலகிருஷ்ணாவிற்கு ஜோடியாக மும்பையைச் சேர்ந்த புதுமுக நடிகை முஷ்கான் நடிப்பதாகவும் பூரி ஜெகன்நாத் கூறினார். மூன்று நாயகிகள் இப்படத்தில் நடிக்கவிருப்பதாகவும் தகவல் வெளியாகியுள்ளது.