அவதானம்!! - பரிஸ் - நாளை குறிப்பிட்ட வாகனங்களுக்கு தடை!

அதிக சுற்றுச்சூழல் மாசடைவு காரணமாக, நாளை வியாழக்கிழமை பரிஸ் மற்றும் அதன் புறநகர் பகுதிகளில், குறிப்பிட்ட சில வாகங்களுக்கு தடை விதிக்கப்பட்டுள்ளதாக தெரிவிக்கப்பட்டுள்ளது. 

 

இல்-து-பிரான்ஸ் மாகாணம் முழுவது கடந்த திங்கட்கிழமை முதல் அதிக சுற்றுச்சூழல் மாசு நிலவி வருவதால், காவல்துறை தலைமைச் செயலகம் நாளை வியாழக்கிழமை போக்குவரத்தில் பல மாற்றங்கள் செய்துள்ளதாக தெரிவிக்கப்பட்டுள்ளது. முன்னதாக வானங்கள் வெளியிடும் மாசின் அளவை குறிப்பிட்டு 0 இல் இருந்து 5 வரை வகைப்படுத்தியிருந்தமையும், அதுகுறித்த Crit'Air ஒட்டிகளையும் வாகங்களில் ஒட்டியிருந்தமை குறிப்பிடத்தக்கது. அதைத் தொடர்ந்து நாளை குறித்த வாகங்களில் 4 மற்றும் 5 ஆம் எண்களை கொண்ட அதிக மாசு வெளியிடும் வாகனங்களுக்கு முற்றாக தடைவிதிக்கப்படும் என தெரிவிக்கப்பட்டுள்ளது. தவிர, இதுவரை இந்த ஒட்டிகள் ஒட்டப்படாத வாகனங்களுக்கும் தடை விதிக்கப்படும் எனவும் தெரிவிக்கப்பட்டுள்ளது. 

 

வாகங்களில் 0 தொடக்கம் 3 வரையான வாகங்கள் மட்டுமே நாளை வியாழக்கிழமை காலை 5.30 மணியில் இருந்து நள்ளிரவு 12 மணிவரை பரிசுக்குள் செலுத்தலாம் என்பது குறிப்பிடத்தக்கது.