சரிவிலிருந்து மீண்ட ரூபாய் மதிப்பு : 64.48

மும்பை : இந்திய பங்குச்சந்தைகள் ஏற்றத்துடன் துவங்கி உள்ளதன் காரணமாக ஏற்றுமதியாளர்கள் மற்றும் வங்கிகள் அமெரிக்க கரன்சியை அதிகம் விற்பனை செய்தன. இதன் காரணமாக கடந்த 2 நாட்களாக சர்வதேச அந்நிய செலாவணி சந்தையில் சரிவுடன் காணப்பட்ட இந்திய ரூபாயின் மதிப்பு உயர்ந்துள்ளது.
இன்றைய வர்த்தக நேர துவக்கத்தின் போது (மே 25, காலை 9 மணி) அமெரிக்க டாலருக்கு எதிரான ரூபாயின் மதிப்பு 25 காசுகள் உயர்ந்து 64.48 ஆக இருந்தது. முன்னதாக நேற்றைய ரூபாய் மதிப்பு 64.73 ஆக இருந்தது. வெளிநாட்டு நிதி வருகை அதிகரித்திருப்பதும் சர்வதேச சந்தையில் ரூபாய் மதிப்பு உயர முக்கிய காரணமாக கூறப்படுகிறது.