கேங்ஸ்டராக நடிக்கும் சஞ்சய் தத்

சாகேப் பீவி அவுர் கேங்ஸ்டர் படங்களின் வரிசையில் இப்போது அதன் மூன்றாம் பாகம் சாகேப் பீவி அவுர் கேங்ஸ்டர்-3 என்ற பெயரில் உருவாக உள்ளது. முதல்பாகத்தில் ரன்தீப் ஹூடாவும், இரண்டாம் பாகத்தில் இர்பான் கானும் கேங்ஸ்டராக நடித்த நிலையில், இப்போது மூன்றாம் பாகத்தில் நடிகர் சஞ்சய் தத் கேங்ஸ்டராக நடிக்க உள்ளார்.

இதுகுறித்து தயாரிப்பாளர் ராகுல் மித்ரா கூறுகையில், "இந்த ரோலுக்கு சஞ்சய் பக்காவாக பொருந்துவார். படத்தின் கதையே அவரை சுற்றி தான் நகரும். படத்தில் நிறைய புதுமுகங்களை இணைக்க உள்ளோம். அதில் சில பெரிய நடிகர்களும் நடிக்க இருக்கிறார்கள்" என்றார்.

சாகேப் பீவி அவுர் கேங்ஸ்டர்-3 படத்தை திக்மான்சு துலியா இயக்க, ஜிம்மி ஷெர்கில் மற்றும் மகி கில் ஆகியோர் முக்கிய ரோலில் நடிக்கின்றனர்.